狗狗有好大改進，不過仍然有進步嘅空間
好開心狗主同我分享狗狗有好大改進，不過仍然有進步嘅空間，最重要係感受到狗主開始解除生活嘅壓力。
狗狗有嚴重吠叫問題
狗狗有嚴重吠叫問題，其中一樣就係對門外聲音非常敏感，同埋對門鐘聲反應十分激烈，呢個情況已經持續一段頗長時間，形成咗一般人所認為嘅「壞習慣」。
訓犬師支援及狗主努力
狗主十分愛錫狗狗，而且係非常負責任的狗主，在問題發生期間亦已聘請過幾位訓犬師，但效果未如理想，而且問題行為越嚟越嚴重，狗主同狗狗一齊生活亦變得越嚟越大壓力。
作為一位資深訓犬師，當然想了解多啲之前訓練效果不理想嘅原因，其實我做嘅大部分都係呢類情況。經過傾談之後發覺其實狗主被灌輸嘅概念有啲似係正確，但又非完全正確，有啲練習係正確但係睇唔到有進步，原因係「一知半解」同埋「錯誤運用」，最最大問題係只係搵一個訓練方法但「唔知自己做緊乜」。而家狗主開始掌握到點運用訓練嘅方法，亦開始多了解自己做緊乜嘢，有時仲聽到佢哋家人互相提醒對方。
狗主嘅愛心加上恆心，加上適當嘅訓練及支援，係可以共同開開心心生活。
如果您有其他話題想了解多啲，不妨留言畀我❣️
——————
#幼犬訓練 #情緒 #焦慮 #恐懼 #膽小 #驚青 #衝動 #攻擊 #香港訓犬師 #dogtrainer #犬隻訓練 #dogtraining #犬隻行為問題 #正向訓練 #positivetraining #forcefreetraining #新手養狗 #犬隻訓練課程
—-————————————————
🇺🇸Certified Professional Dog Trainer CPDT-KA
(2012-Present)
