呢個關於「狗同BB相處」嘅真實求助個案，主人好擔心狗狗對BB有敵意。好多新手爸媽見到狗狗「wu」或者齜牙，第一時間會覺得狗狗變壞咗、有攻擊性。
但作為犬隻行為治療師，我想同大家講：其實狗狗唔係想咬人，佢只係唔識點面對！ 🛑
BB 嘅突發動作、高頻聲音，對狗狗嚟講係不可預測嘅壓力來源。當狗狗發出警告信號（例如齜牙），其實佢係用緊狗嘅語言講：「我好緊張，請俾啲空間我。」
好多家長會有個迷思，覺得「狗同BB一定要攬埋一齊玩先叫好朋友」。
錯喇！我哋嘅訓練重點，從來唔係強迫佢哋互動，而係教識佢哋「互相尊重空間」。
✨ 最理想嘅相處，往往係「各自安好，互不打擾」。 ✨
經過一輪調整，狗狗學識咗自己行開去安全嘅地方休息，唔需要再時刻繃緊𥄫實BB；而BB亦有自己嘅探索空間。當雙方都覺得安全、放鬆，屋企嘅氣氛自然好轉。
最感動嘅係，當佢哋學識互相尊重，奇蹟就出現喇——佢哋終於可以平靜咁坐埋一齊，等我幫佢哋影咗第一張合照！📸🥰
各位爸媽，你哋屋企嘅狗狗同小朋友相處成點呀？一開始有冇遇過類似嘅磨合期？
👇 喺留言區分享下你哋嘅經驗啦！或者 Tag 你身邊準備生BB嘅狗主朋友睇下！
💬 如果你都面對緊狗狗同小朋友嘅相處問題，唔好等情況惡化，即刻聯絡我啦！
——————
#犬隻行為治療 #狗狗情緒 #狗狗焦慮 #犬隻訓練課程 #狗同BB相處
—-————————————————
🇺🇸Certified Professional Dog Trainer CPDT-KA
(2012-Present)
