過年時我請了十多日大假，大多時間都是陪伴我的Momo，假期完了Momo出現一些改變，開始要跟我出門口，以往也曾經試過，只要給予零食，或假扮倒垃圾出門口，或返工前給早餐，或放定對高踭鞋在門外等他不為意立即衝出門口，或氹一段短時間佢就會唔跟我出門口安然睡覺。

但嗰段時間出什麼招都唔得，拼死要跟我出門囗，連早餐都唔食，每次出門囗前佢已經呼吸緊張到門口守住，唯有趁他一轉身就開小門隙兩秒出去，所以每次出門也擾攘半小時多，後來他更不會轉身，而且開始激動，如果觸摸他會張開口，氹又唔得鬧又唔得，雖然最後出了門囗但心更痛，睇住監察電視，之後的兩三小時見佢不停伸脷，流口水行來行去，抓床抓板，每次回家下巴濕哂及身體發滾。

嗰時天氣還涼爽，當我有空就會陪多啲佢，下午兩三點落街散步之後在公園坐到天黑才回家煑餐比佢食，過了一段時間都並沒有改善，期間我也會周圍問吓狗友有冇類似情況，及上網搵資料，直到有一晚凌晨時段佢上床抓床，抓到好緊張而且失禁賴尿，我好心痛趕快帶佢睇醫生睇下係咪身體出現毛病，醫生話佢係有分離焦慮症，只有開鎮靜藥，當時心又痛頭又痛的我唔想Momo長期靠呢啲藥物，最後搵咗Dog Trainer Eddie睇下有冇辧法，Eddie了解每個細節及情況後教了我一些方法，我跟着Eddie教的方法不停練習做了不到一星期，Momo由初初好緊張不安慢慢改善到平靜了，到現在再沒這些情況出現了，每次我出門口後佢都可以安靜睡覺，非常感激Eddie幫我解決了這個煩惱。