94996699
更多更新狗狗知識及資訊
https://www.facebook.com/eddieForceFreeTraining
April 2018 第二十八屆
【讀後心聲】課程令我對重新認識狗狗的世界，明白牠們的思考模式，狗狗對我來說已經不是不能溝通的生物，而是感情豐富， 喜形於色的可愛動物。對於人與狗、狗與狗之間如何溝通相處，對身為狗義工的我來說，受益匪淺。因為除了能量避免不必要的傷害及意外，能夠活用課堂知識，在狗狗身上看出成效，是十分鼓舞的。
導師用很多自己親身的個案，透過風趣活潑的表達，來解釋課堂甚至超越課堂的內容，令同學容易投入其中，印象深刻。
經常接觸狗的人士如果真的愛狗，這個課程是不可或缺的。
By Jacky Lo
April 2018 第二十八屆
【讀後心聲】上完Eddie Sir 嘅狗隻行為訓練，我對與狗隻相處以及訓練有全新的領會，大開眼界。狗隻正向訓練以奬例，不施加任何的外在壓力的前題下訓練狗隻。我相信這方法可以幫助大家陪養出最佳的狗隻，並與你的狗隻建立長遠，健康的互信關係。以往一直聽不同的人說訓練狗隻需要於狗隻做錯時以大聲呼喝令牠們知道自己犯錯，更什的是將各式各樣的恐嚇，懲罰加於狗隻的身上。正向訓練令我知道原來可以以更正面的訓練方法訓練出開心又乖巧巧嘅狗隻。
另外，課程中教授的dog calming singnals 和如何判斷狗隻情緒對於我於HKDR 參加的義工活重尤其有幫助，可以讓我更了解狗隻當時的狀態。
多謝Eddie Sir👍
Brian
April 2018 第二十八屆
【讀後心聲】此課程雖短短八堂，但對正向訓練的概念獲益不少。Eddie Sir 著重解釋每個訓練的因果關係，以實例由淺入深令我們學懂犬隻是如何思考，明白其實狗隻行為與人類心理學類同，值得我們一一去探究，了解狗隻的思考模式是訓練狗隻的第一步，其實我們口中狗狗所謂的「曳」只是我們人類不了解牠們。
此外，此課程令我明白何謂真正”force-free”以及它的可貴，「錯不罰，對即獎」，可以令狗隻在無壓的環境下學習，一早便應棄用傳統的訓練方法。
By Dorothy Choi
March 2018 第二十七屆
【讀後心聲】我係flora，新手養狗，養柴犬。
養狗前花左好多時間去做足「功課」，去了解柴犬，睇好多書，就以為自己識，但養落發現有好多問題，書係冇講，有一段時間同柴柴相處得唔係太開心。
然後咁岩就見到青協有呢個課程，八堂的課程一下子就讀完，實在太快啦。
好開心可以上到eddie sir的堂，八堂的課程輕鬆愉快，eddie sir用好易明，好清晰的方法向我地解釋各種positive training 的技巧同運用，而且亦令我地從狗狗的身體語言去了解狗狗的喜怒哀樂，什麼是「安定訊號」，回想起自己初初唔識，一味以為狗狗唔乖，發惡鬧我，但其實佢一早俾曬signal我，係我唔識。
好多謝，感恩上完呢8堂，讓我從新去了解自己的狗狗，好推介其他毛小孩的家長去報讀呢個課程，真係會有好多得著。
Flora (Chopper)
October 2017 第二十六屆
【讀後心聲】我係查理斯小狗Kookie, 係課程最終受惠者，等我寫啦！
自從Eddie 教練上門訓練我後，我乖左。主人覺得阿sir 啲正向訓練好神奇，想阿sir 都訓練吓佢，所以報讀青協辦的"犬隻行為及訓練入門"課程。
Eddie Sir 輕鬆講學，耐心解答問題和精彩的個案分享令主人獲益良多。阿Sir 教導嘅正向訓練係主人耐心從狗狗角度出發，去令狗狗自願咁改變一啲不理想嘅行為。主人學會了狗狗係點樣思考的，我地嘅身體語言係咩，改變左佢成日用人嘅諗法去誤解我，知道其實我曳曳背後總有原因，並非無端端狗狗震。阿Sir 嘅教導亦俾佢知道要了解狗狗，觀察力好重要，佢觀察力奇低，所以成日睇唔到問題所在。
FB 羣組內啲人時時教其他人强勢對付我地狗狗，好可怕！所以希望Eddie Sir 所教嘅force free training 可以傳揚開去，令更多人認識，令更多狗狗受惠。
八堂過得太快啦，呢個課程只係入門，入完門係咪應該有進階班，深造班呢？
其實我話最好有"實習班"，因為理論和實踐總有出入，將上堂學嘅應用出來好重要。好似我有份上呢堂咁，成班狗狗social, 出現問題時，阿sir 即場引導大家運用上堂所學解決問題，狗狗又有得玩，好正！
多謝 Eddie Sir 訓練主人們去了解我地狗狗，令我地有好日子過…………Kookie錫錫
Cheris
October 2017 第二十六屆
【讀後心聲】Hello，我係Sandy，養咗隻唐狗。
上完整個課程，好多謝阿sir清晰咗什麼是正向訓練，同埋明白到每個問題背後，都是有原因及理據，甚至數據可尋，是有機會可以幫助狗隻本身改善不良的行為，最主要是视乎飼主本身所付出的時間及耐心，以及所使用的方法是否正確，從而引導毛孩自己思考，改善不良的行為；更令我明白到，很多時都是飼主本身將問題過份專注於某一情況，而不是全面觀察分析。
更不是部分的訓狗師所講，這本身就是「毛孩」自己的問題，要用地位、權威或懲罰令自己心愛的毛孩屈服及跟從。又或者其他組織或協會所舉辦的課程，只是流於表面的講解毛孩的情況，沒有深入了解原因，從而使用一些普遍的方法去解決問題，但不敢說以後的成効如何……
至於整個課程，美中不足是時間不夠，因為太多資訊或經驗，以及個案在課堂中分享，使我有更深及新的了解，如果阿sir有深造班，相信會是我們狗主的一大褔祉。
Sandy
October 2017 第二十六屆
【讀後心聲】一向養開貓貓的我哋，去年兩隻倍伴17年的貓貓相繼離去後，老公見我現時的工作在家時間比較多所以想養狗，他一直鍾情於老虎狗由於居住環境關係最後選擇了體型較小及親人的法國老虎。
當接Jock仔回家初時（當時剛滿三個月），感覺良好可能因為牠樣子可愛及尚算乖巧，但二三星期後，我的惡夢開始了，牠變了個超級頑皮仔及破壞王，每日精力充沛地搗蛋，經朋友推介上咗救狗之家的訓練課程，另我對正向訓練有個初步認識，上完四課後，Jock仔學會機本指令及行為上都有少少改善使我對這類訓練更有興趣，於是在網上搜尋到青恊的課程，認識Eddie sir，阿sir在課堂上會引導我哋思考，好有耐心不壓其煩地解答我哋的問題，課堂上學會解決狗狗的行為問題最好要了解根源及必須要有耐心，不可過於急燥。而且課堂上可同班愛狗人仕交流及分享，對我這個養狗新手是很寶貴的經驗，如有延伸課程一定會參加及會推介養狗的朋友報讀這課程。
Elsie
October 2017 第二十六屆
【讀後心聲】Hello 阿sir，真係好開心上左你堂！好彩你教呢個班如果唔係跟唔到你學野😁
上完8堂Eddie Sir的課程，第一個感覺係收獲好多，每一堂都會學到新野，唔單只行為上，其他同狗狗有關的知識，保健飲食，相關建議、趣聞等等，只要你有興趣問，Eddie Sir就會同你討論解答，2小時課堂好快就過，永遠只會唔夠時間講。
Eddie Sir講解有趣而清晰，上課時正正係以課程核心的正向方式，輕鬆、簡單、扼要地將重要觀念、以至一般實際情景耐心講解，親身示範正向教育。
正向訓練愈來愈多人關注，也漸漸成為一種趨勢，自然愈來愈多dog trainer都會標榜強調使用正向手法。但就好似環保議題一樣，到底係漂綠還是深綠，係隨著潮流改口號、行銷技巧，還是真正運用有嚴謹理據支持的科學方法，實在要用心分辨，小心選擇。
如果你對正向訓練有興趣甚至疑惑，希望學到更多關於狗狗的知識，實在推薦青協課程，因為不論如何，只要願意學習，都會學到比你預期的更多！
多謝Eddie sir用心教導！希望更多人有機會上這課程，了解狗狗更多。期待有更多課程！
Dawn
October 2017 第二十六屆
【讀後心聲】其實喺報讀呢個課程之前，我已經請過Eddie Sir上門教導狗狗，當時因為第一次養狗，而且仲係柴犬，非常難搞的品種。當時搵Eddie Sir，係想搵一個正向訓練既Trainer，結果我搵啱人了，第一堂上完之後覺得好神奇，阿Sir既理念係要狗狗自己思考，唔需要主人喝罵，從而令到狗狗可以好聽話。
過左一年，見到青協舉辦「犬隻行為及訓練證書課程」，重點係Eddie Sir做導師，所以即刻報讀，讀完呢個課程後令我更了解狗狗既身體語言、訓練用具、健康同行為等等既技巧，可以點樣用正向方法去教導狗狗， 絕對唔需要用強勢去控制狗狗， 因為用強勢，只會加深狗狗既傷害同埋令狗狗驚左你而扮乖。用正向方法就會得到狗狗既信任， 大家都可以好開心咁相處落去。
無論你狗狗有無行為問題，我都建議你報讀呢個課程，Eddie Sir係一個非常專業、有經驗同愛狗之人。完成課程後，你就可以用輕鬆無壓力地訓練你既狗狗。
藉此機會感謝你幫助無數狗狗，如果無你既幫助可能好多狗主都會棄養狗狗。
Joey
August 2017 第二十五屆
【讀後心聲】8堂嘅犬隻行為及訓練證書課程眨下眼就上完，坦白講，好唔捨得呀。。。最難忘最記得就係竟然上８堂都無恰眼瞓，點解呢？？ 咪就係因為阿Sir講得好生動，好吸引囉，再加上感覺到阿Sir唔係個種收埋收埋唔講比你聽嘅導師，只要你夠膽問，阿Sir就會很樂意教您，可以話有問必答，仲成日講到過哂鐘比職員趕先肯走。
呢個Course令到自己對狗隻行為了解多左，亦明白到正向訓練的好處，唯一美中不足就係課程太短啦，大家亦只係學到皮毛嘅常識，所以希望阿Sir積極考慮開進階課程，等大家可以再深入咁去知多Ｄ最重要係可以跟Eddie Sir 學多D野 ~
最後好想籍此多謝阿Sir帶比我最後一堂難忘回憶，放繩比我隻狗狗Coffee同其它狗狗互動，原來我隻狗都可以同其它狗狗共處一室而無問題架。。。好開心又感動。
Gabee (Coffee)
August 2017 第二十五屆
【讀後心聲】係咁嘅，因為自己有隻兩歲鬆D嘅唐狗，佢本身冇乜大問題，只係比較膽少同驚青，一路用so called嘅領袖式training都冇乜大進展，同時亦希望學多少少睇下可唔可以去幫輕下一D狗場或者做獨立義工嘅朋友，經狗狗個細佬(駱克)嘅主人介紹從而認識「正向訓練」呢個terms同Eddie Sir，見到原來有course上所以就報左啦。
以Science-base為主嘅Positive Training，喺第一堂已經覺得成件事好有趣，因為所接收到嘅訊息，竟然同自己一路以黎所認知嘅Concept同方法都有一個明顯差異！喺呢個資訊爆炸嘅年代，fact check好緊要，而positive training嘅理論往往建基於數據嘅支持，作為一個做statistical analysis嘅人，個人黎講係buy呢套嘅。
而喺教學方面，Eddie Sir引用左好多唔同嘅例子外，亦透過同學現場發問同互動，將現實中同學遇到嘅問題喺課堂上解釋，係會令同學更加易明當中嘅理論。
課堂外，Eddie Sir亦都樂意回答各位同學嘅狗仔平時嘅行為問題，攪到次次都超時，真係唔好意思呀！
總括而言，上完呢8堂，輕輕鬆鬆咁同狗狗做下training係冇問題嘅，阿Sir話齋，要有耐性同要捉timing，更加要諗下狗狗點解會咁做先可以事半功倍！如果去到behaviour modicafcation呢D深層次嘅課題，就真係要更深入咁去學習同請教專業人士啦，千祈唔好諗住上完8堂就係trainer呀，要做trainer條路仲有排行呀！
最後，想recap番Eddie Sir上堂時講過嘅一樣野：「不論用邊種方法都好，揀嘅係主人而唔會係隻狗。」
話時話，強烈要求開中班呀，真心想學多D！
By Albert Chan / 皮爸
August 2017 第二十五屆
【讀後心聲】上完8堂之後，更加了解狗狗係點樣思考同佢地嘅學習模式。而令我最深刻係 Eddie Sir 主張俾狗狗諗下我地做佢做D咩，而唔係一味死板咁俾指令，令狗狗嘅學習過程變得有意思。
Eddie sir 對狗狗嘅知識亦都好豐富，會提醒養狗應該注意嘅事。而且經常鼓勵我地要發問同思考，唔係就咁講理論，而係會解釋因應唔同情況，運用唔同方法嘅原因，同埋狗狗嚮過程中係究竟學緊咩嘢，真係好有用！👍🏼如果有機會開個 advance level 就好啦！！
Kiki
July 2017 第二十四屆
【讀後心聲】經過 Eddie sir 8堂授課後, 深深了解到教導一隻狗狗真的不容易, 而對狗狗的行為上又加深了認識, 狗狗每一個眼神及動作都在告訴我們牠的想法, 一個微細的舉動已經可以影響好多, 這是我從前並沒有想過的, 所以會令我更細心去留意狗狗的每個動作及細節 而且更正了我之前的錯誤思想及行為.
亦可以透過課堂學到的知識套用到待領養的犬隻身上, 真是獲益良多 ! 非常感謝 Eddie sir 的耐心教導
Vicky
July 2017 第二十四屆
【讀後心聲】一開始對正向訓練不太認識! 我自己係獨立義工好希望可以學到呢方面ga認知!希望可以幫到更多ga毛孩!所以決定報讀8堂課堂! 上完堂之後令我覺得要解決毛孩問題,首先要搵出問題源頭,再要令毛孩自己明白,自己思考! 主人同時都要好好配合!其實做錯一步,或捉錯時間都可能令結果有好大出入!所以搵一個合適ga方法同trainer 真係好重要!
呀sir好好人! 好有耐性, 仲有問必答! 知我同朋友都係獨立義工俾我好多建議仲分享過往做義工ga經歷!
Cobra
July 2017 第二十四屆
【讀後心聲】自從收養左一隻被遺棄雪橇後, 發現佢行為同心理都有問題, 應該係被遺棄過吧? 狗狗極度唔願意落街散步, 對人同狗都唔信任。每日落街都十分搶繩, 當時係冬天接佢返黎, 佢每日落街都好大力扯我, 可以冬天放狗短短十五分鐘路程已經出哂汗, 諗諗下夏天都唔知點算, 佢辛苦時我又辛苦, 所以就打算搵個dog trainer 去解決、改善問題。
之後我上fb嘗試問下我隻狗嘅情況應該點做好, 有其他trainers 睇完冇回應過我, 而當時我都有問過呀sir意見, 呀sir同我傾左陣, 比個意見我係: 我應該去上堂。之後巧合地我見到青協個網有關 ‘犬隻行為及訓練課程’ , 仲要係Eddie教, 我就報名了。
在課堂中, 我覺得最重要係我學識狗狗眼中嘅世界係點樣, 唔係一味NO佢就有用, 好多時狗狗根本唔知點解自己會被主人鬧。依家我隻狗有時做錯事, 我會代入佢角色諗下應該點教佢, 唔係鬧佢NO佢就可以。我隻狗狗原本連Sit都唔識, 上完課之後我嘗試同佢以食物、遊戲嘅方式做練習, 而佢好快學識了!
上完Eddie嘅堂, 覺得狗狗跟佢套理念學習會好開心、好輕鬆。雖然連續兩個月收工就要趕出銅鑼灣上堂, 但係學到、得到嘅野 係值得嘅! 以後我同狗狗會繼續練習、進步! 😃
學生Doly
July 2017 第二十四屆
【讀後心聲】現今處於資訊泛濫的年代，需要什麼資料只要隨意按一下鍵盤，便可以輕鬆地找到。但是有關資料的可信性、真實性，究竟是正確還是錯誤，就要看看你的運氣！
二千幾蚊可以去食自助餐、可以去買套靚衫、可以買對靚鞋仲可以買好多護膚品…但係原來一個決定，竟然可以改變你同埋狗狗，甚至你屋企人嘅一生！
身為騰訊全球首個寵物板塊的主編，由於工作關係每天需要接觸大量的寵物資訊，而且家中有一隻患有分離焦慮症的毛孩，因此對Positive Force Free的訓練深感興趣。
Eddie sir的課堂簡直是物超所值，他每堂也差不多早到15分鐘，而且每堂2個小時完全沒有難捱的感覺，更經常講至超時，下課後亦樂意替同學們解答問題。
原先以為「平野」無好，但是今次的課程，卻令我感到驚喜！希望課程能夠繼續，讓更多人能夠有這個學習機會，分享到Eddie Sir課堂的樂趣！
養狗超過20年，自問對狗狗的知識已經很豐富，但是正所謂「一山還有一山高」。因此願意學習、經濟能力許可，我誠意推薦大家參加青協犬隻行為及訓練課程！
Icy Kwong
July 2017 第二十四屆
【讀後心聲】我雖然略懂給狗狗指令，但好多時掌握不到技巧; 有啲簡單動作如: sit、up、hand做四、五次重複佢哋就可以做得到，當遇到ㄧ些如: down、wait、come、touch…自己難以與狗狗配合，我有我講佢有佢四周望或“R”嘢食。曾經接觸和照顧不同品種狗狗，知道牠們各具自我性格，但自己如何訓練牠們，希望從課堂找到答案!
課就上完，得着比預期大; 除了學習與狗狗建立關係和如何下達指令外，還認識到“尋根源”、“思考”、“懂得問”、“分析資訊”。叧外，掌握為何要將指令拆件做而感覺得效果不錯。仲有ㄧ直自以為同狗狗相處和與牠們的溝通技巧有認識，原來完全是錯誤接收，經過在課堂分享後比以前清晰了解。
好多謝eddie sir 具誠意分享和樂於溝通表現。
Rocky
July 2017 第二十四屆
【讀後心聲】一連8堂Force free training完結了，真心覺得Eddie sir真係一個好導師👍🏻👍🏻曾經都擔心係唔係我心目中冇打冇鬧嘅training😛（咁樣我一定中途退學😵）而家完全信任Eddie Sir，課程當中感受到佢對狗好有愛同耐性😇亦教懂我*No Quick Fix*！佢地唔識係我俾錯指令，好多肢體語言係我之前誤解咗。。。太多嘢學習到喇😎不能盡錄✌🏻最開心係連健康都改善到，之前俾錯水樽，仲以為佢唔鍾意飲水😖好彩知道得早，如果唔係對個腎就唔好喇😝而且大細狗而家可以平靜相處呢👏🏻👏🏻👏🏻👏🏻……遺憾係仲未有進階課程😔Eddie Sir你快d處理下啦！期待期待👍🏻👍🏻👍🏻
Ling Yiu
July 2017 第二十四屆
【讀後心聲】好奇心驅使下報左Eddie sir既正向訓練課程，本身覺得教動物唔迫佢點有可能聽話架～10年黎都係咁教架啦～網上睇既或者睇書學既都話係要掐住佢個嘴壓佢落地反肚架！
上完堂就明白動物點學習，用岩佢地既學習方法佢地會好肯學好肯做，用粗魯威迫既方式只會令動物驚、討厭訓練什至有反效果，破壞主人同動物之間既感情，而家用岩方法，仲好快教識左貓貓聽指令sit同jump tim！
#Marki
July 2017 第二十四屆
【讀後心聲】完成Eddie Sir 的課程後，對養狗知識確實増加不少。Eddie Sir 講課内容清晰，教法不沉悶，上課甚是有趣。主要內容是以幾種conditioning 用Force free的方法來訓練狗隻，而上課短片亦很貼題。共8堂課很快就上完，真是有點依依不捨，而最後一堂實習堂亦使我們一班愛狗的同學有溝通的機會，交流養狗心得，並分享自己在不同環境、各養不同狗隻品種的經驗，實在獲益良多。希望我自己能學以致用，對兩隻小愛犬有正面的影響不致寵坯牠們吧🐶🐶✌🏻
From Winnie Wong（兩隻teacup芝娃娃的主人)
July 2017 第二十四屆
【讀後心聲】當初成為狗義工時，發現自己對犬隻的行為認識不足，曾在領犬散步時感到挫折，心裏想，如要照顧牠們，都要有相關的知識和技巧，才有效幫助牠們。
於是，便借閱多本書藉，盼能更懂得如何照顧犬隻。唯書藉的內容大多教導以權威的方式與犬隻相處，而自己亦眼見有些人經常以責備犬隻來控制牠們的行為，心裏感到不太舒服，其實可否溫暖點對待牠們呢。
當上完犬隻訓練後，除了對犬隻行為有更多的認識外，更發現以positive training來訓練犬隻，可以讓犬隻在無壓力和愉快的環境下學習新事物，讓學習變得更為有趣和更具意義。謝謝Eddie Sir的教導。
學生 Chris
eddie犬隻行為及訓練 